Printer-friendly versionSend to friend

Nkub’ xnik’chetjo jun k’loj b’inchal kawb’il tu’ntzan kyojtzqintejo ku’xin tza’n taq’unanjtzo tzaqpib’il chwinqlal.

Ajo jun k’loj xjal tib’aj kychwinqlal xaj ex tib’aj tzaqpi’n xim, matxi’ b’aj kub’ tb’incha’njo jte’ k’loj ku’xin tu’ntzan kyojtzqinte tza’n taq’unanjtzjo  tzaqpib’il chwinqlal extzan tu’n tb’ant kyq’o’nte toklen tichaqti’ nb’aj tuj kychwinqlal.  Aqetzanjo k’loj ku’xin lu’ aqe kynejiljo ku’xinqe’x jawnqe’ kyjyon kyxolxkyib’.

Ajo jun aq’untl lu’ atz tzaja anq’ina ti’jo jun ilti’j at kyxoljo kux’n tuj junjun kojb’il tu’ntzan kyojtzqinte ex tu’n tkub’ kychwinqlali’n, tza’n nxa’aya aq’unetajo tzaqpib’il chwinqlal.  Nimqetaqjo ku’xin tuj tnam te Palestina ma’toq kub’ kyna’njo kyuwil ex yajb’il.   A ntjyo’n aq’unljo lu’ a tu’mix kub’a kyna’na ku’xin qa mlayx b’ant kynajan tuj jun nak’b’il atz tuj tnam ja noqxix jun tx’uyjtib’il at.

Tnejilxix a kub’ kyximi’njo a tu’n kyokqejo ku’xin te oxlajuj kyab’q’i ex qejo te wuqlajuj kyab’q’i. Atzunj kyb’ajub’ b’inchetjo k’loj ku’xin xi’ntzan qe kyaq’untzu tib’aj “saqchab’il tb’anil chwinqlal”.  Tujtzanjo aq’untl lajo’n lu’ aqejo ku’xin ok kyq’o’n kyib’ te kandidat tu’n kyjaw jyo’n te nejinilj, kyxoltzanjo ku’xin aqe txqantl e’ jaw jyontejo kynejil.  Atzanjo tok jyob’il nejinilj kykyaqiljo ku’xin e’ pon tu’n kyok tuj tajlal.  Tu’ntzan tok ch’i’ntl toklenjo jun yek’b’il tzaqpib’il chwinqlal lu, aqejo nejinilj e’ ex kytxko’n txqantl xjal tu’ntzan kyul ka’yil ex tu’n kok te tstiyjo joyb’il nejinilj.  E’ pon tuj yek’b’il lu’ ajo nejinilj tejo tnam te Palestina, ex e’ pon txqantl ONGs exqetzanjo kyman ku’xin.  Atzanjo jun aq’untl lu’ nxi’ tq’o’n amb’il kye ku’xin tu’n kyojtzqinte tza’n tchwinqlilanjntzjo tzaqpib’il chwinqlal.

Tnejilxi’ aqejo ku’xin txi’ e’ q’a ok kyq’o’n kyib’ te kandidat tu’n kyjaw jyon te nejinilj techaq junjun  k’loj ku’xin nejinilj, yajxi’tzuntl b’aj kymojb’an kyib’ kab’e k’loj ku’xin. Atzunjo aq’untl lu’ ntzaj tq’o’n junjo tu’mel ja jaku’ tz’oka kyklen q’a ex txi’n te junx.

Junlajuj ku’xin e’ jaw jyet tnejilxix maj tejo wi’xin te tja ttxu kawb’il, waqaq txin atzun jwe’ q’a.  Atzanj kyjaw jyon lu’, b’aj kyb’u’yin kyib’jo junlajuj, kyxolxtzan kyib’ jawa kyjyo’na alkyejo wi’xin, alkye tkab’ wi’xin ex alkyeqe ka’yil tajlal pwaq, alkyeqe che okil pakb’al aq’untl ex alkyeqe che’ okil ten ka’yil aq’untl.  Tujtzan tnejil b’uyjtib’il ok kyu’n xi’ qanit te junjun titi’chaqjo kyaq’un xi’ kyq’uman kye xjal, atzanj tb’aj kyb’u’yin kub’tzun kyb’incha’ntzu jun ttxu aq’untl tu’n txi’ b’inchet.  Tu’ntzanjo ttxu aq’untl lu’ eb’aj kub’ pa’yitjo nejinilj tuj k’loji’n tu’ntzan taq’unachaq te junjun tib’aj jun aq’untl, atqe a kyaq’unjo tib’aj kychwinqlal xjal, aqe txqantl tib’aj tu’mix kub’a myo’na tpakb’alil jun ti’xti’.

Noqxtzan tu’n tpajo k’loj xjal lu’ aqejo ku’xin kub’ kyximi’n qa ajo tja ttxu kawb’il che’ okilten aq’unaltejo ja kye k’loj ku’xin.  Ma’taqtzan tzik’ jun ab’q’i tej ttzajlen qejo aq’untl lu’ aqejo ku’xin kub’ kyb’u’yin kyib’ tu’n tkub’ kyximi’n ex kyla’jin alkyejo tba’nq’ob’ aq’untl ex alkyejo ja xhe’ tzpeta.  Jun k’loj ku’xin te’qek tuj kyoklen tzaj kyq’uma’n qa qajlo b’an tu’n txi’ kylajo’njo kyoklen qu’n ka’qexnakye nejinilj te tnam Palestina.  Aqetzan jun k’lojtl xi’ kyq’uma’n qa mya’ tuj tzqpib’il chwinqlal xi’ b’inchetajo lu’, qu’mtzan tzajx jun majtljo jyob’il nejinilj.

Atxi’xjo  tej tkub’ len b’inchetjo tnejil “sqach ti’j tzaqpib’il chwinqlal” ma’lo b’ant kab’e miljo ku’xin matxi’ che’ ok tuj xnaq’tzab’il lu’ tib’aj tza’n ttenjo tja ttxu kawb’il.  Atzan ja’lin waqlajuj k’loj ku’xin te tja ttxu kawb’il atqe tuj tnam te Franja de Gaza.

Ajun aq’untljo  niminx ch’i’n xi b’inchet ajo tu’n tkub’set kywitz kymanqe ku’xin tu’mix kub’a kymyo’na kywitz kyk’wal moqa tu’n ttzaj kyq’o’n amb’il kye, exqejo nejinilj te okslab’il tu’mix tz’oka kyq’na te mya b’a’n.  Ma’taqtzan b’etjo aq’untl lu’ tej tok kyka’yin mamb’aj qa aqejo kyk’wal ma’taq tx’ixpujo kynab’l qu’mtzan xi’ kyoni’n ch’i’ntl.